بسم الله الرحمن الرحيم
السلام عليكم ورحمه الله وبركاته
كثرة في الاونة الاخيرة اسئلة عن طريقة تغيير الهاردسك فدورت في الانترنت لين ماحصلت الحل.
تقدر تركب اي سعة تبيها بشرط يكون الهاردسك مطابق للمواصفات المطلوبة.
اولا:
2.5-inch SATA notebook hard disk. Both 5400- and 7200-RPM drives should work fine.
الهاردسك يكون حق اللابتبات بحجم 2.5 انش نظام SATA وسرعة الدوران 5400 او 7200 rpm مايفرق اي سرعة اثنينهم مقبولين وايضا باي سعة راح يقبل 80 -120 - GB160 الخ...
اطلب هالمواصفات من راعي المحل وراح يجيها لك او اقراها على ظهر الهاردسك.
قبل لاتركب الهاردسك لازم تقوم بهذي الخطوة وهي عمل نسخة لحتياطية لمعلوماتك الشخصية.
تقدر تقوم بهالشي عن طريق فلاش ممري سعتها كبيرة وتكون بنظام FAT32 او ماراح يتعرف عليها السوني.
هذي الخطوة تقوم فيها عن طريق برنامج backup utility من system settings الموجود بالبلاي ستيشن نفسه وراح تظهر لك الصورة التالية (هذي الخطوة ظرورية عشان ماتضيع التسيفات والتروفيز):
حط YES وراح تكون وانتظر الين ماينقل المعلومات وراح تكون معلوماتك محمية وليس بالامكان نسخها لبلايستيشن ثاني للحماية.
والحين نجي لعملية التبديل وراح تحتاج لسكروب فلبس لاتمام هذي الخطوة.
بمجرد ادخال اداة رفيعة لفتح الكفر لانه كبس.
فك البرغي الازرق.
اسحب العلاق لاخراج الهاردسك.
افتح البراغي الاربعة الي مثبتة الحديدة بالهارسك.
بدل الهاردسك القديم بالجديد بتركيبه عالحديدة ومثل مافكيت القديم ركب الجديد بتركيب البراغي الاربع لتثبيته بالحديدة ثم ادخاله بالجهاز وتركيب البرغي الازرق وسكر الكفر وبهذا خلصنا من الجزء الصعب.
شغل الجهاز فرمت الهاردسك من SYSTEM SETTINGS.
بعدها حط الفلاش ممري الي عليه المعلومات حقتك وروح لبرنامج backup utility وحط yes وبكذا تمت اعادة التسييفات حقتك والتروفيز ومبروووك عليك الهاردسك الجديد.
اتمنى ان الشرح افادكم.
واي شي توصون عليه انا حاظر.
مع تحياتي محبكم دائما d7oom
